Ágúst 1936, tveir menn á götu, líklega í Berlín í Þýskalandi þegar Ólympíuleikarnir fóru þar fram. Fánar með hakakrossi nasista blakta víða um borgina, auk þess sést í nokkra fána með merki Ólympíuleikanna.
1925-1930, iðandi mannlíf í Ingólfsstræti séð frá suðri, mikið af opnum bifreiðum og fólki í götunni, virðist vera undirbúa sig fyrir ferðalag út úr bænum. Ef vel er að gáð sést maður á gangi með handvagn fyrir miðri mynd. Húsaröðin frá vinstri: hús Guðspekifélags Íslands, Ingólfsstræti 22, Ingólfsstræti 20, Ingólfsstræti 18 og Ingólfsstræti 16. Steinhúsið lengst til hægri gæti verið Ingólfsstræti 21 (b. 1903) eitt elsta steinsteypta íbúðarhúsið í Reykjavík. Fjær er Aðventukirkjan, kirja Aðventista í Reykjavík við Ingólfsstræti 19 og enn fjær er Amtmannshúsið, Ingólfsstræti 9 (rifið 1972).
Febrúar 1965, samkvæmi á vegum Félags íslenskra prentsmiðjueiganda þar sem Gunnar Einarsson prentsmiðjustjóri var heiðraður fyrir framlagt sitt til stéttarinnar.
Febrúar 1965, tveir menn með brjóstmynd á milli sín. Talið f.v. Ríkarður Jónsson myndhöggvari og Gunnar Einarsson prentsmiðjustjóri. Myndin er tekin í samkvæmi á vegum Félags íslenskra prentsmiðjueiganda er félagið var að heiðra Gunnar fyrir framlagt hans til stéttarinnar. Að því tilefni var honum afhent brjóstmynd af sér, steypta í eir, sem Ríkarður var fengin til að gera í tilefni að sjötusafmæli Gunnars (26.12.1963).
28. desember 1956, félagsheimilið Hlégarður í Mosfellssveit. Flóttafólk frá Ungverjalandi. Ljósmyndari að taka portrettmynd af ungri konu til að nota í vegabréf. Fólkið er hluti af hópi 52 ungverskra flóttamanna sem komu til Íslands aðfaranótt aðfangadags 1956.
28. desember 1956, félagsheimilið Hlégarður í Mosfellssveit. Flóttafólk frá Ungverjalandi. Fólkið er hluti af hópi 52 ungverskra flóttamanna sem komu til Íslands aðfaranótt aðfangadags 1956.
