Um 1940-1945, fimm karlmenn sitja utandyra í Reykjavík. Þrír þeirra eru erlendir hermenn. Fjölbýlishús í bakgrunni: Bergþórugata 25, Bergþórugata 27, Bergþórugata, Bergþórugata 29, Bergþórugata 31, Bergþórugata 33 og Bergþórugata 35.

Um 1940-1945, Lindargata í Reykjavík. Skrúðganga íþróttafólks. Fimleikaflokkur stúlkna, glímufélagið Ármann, m.a. Stúlkan við hlið hávaxna mannsins sem gengur fyrir aftan íslenska fánans er Guðrún Nielsen. Í bakgrunni er m.a. íþróttahús Þorsteins Jónssonar, Lindargata 7 og steinbærinn Litlaland, Lindargata 9. Fjær eru: Lindargata 11, Lindargata 13, Lindargata 15 o.fl.

Líklega um 1946, Hvammstangi. Langferðabifreið á bensínstöð við gistihús Björns Þorlákssonar, Húnabraut 3.

1946, Siglufjörður, yfirlitsmynd af bænum. Í forgrunni eru hestar á beit.

Um 1946, Siglufjörður, sundlaug.

Um 1946, Siglufjörður, yfirlitsmynd af bænum. Skorsteinar síldarverksmiðjanna spúa þéttum reyk yfir bæinn.

Um 1952-1960, Gagnfræðaskóli Verknáms, Brautarholt 18 í Reykjavík. Ungar konur að sauma í.

Um 1955-1960, konur við heimilisstörf í heimahúsi. Við eldavélina stendur Margrét Kristín Björnsdóttir, eiginkona ljósmyndara. Hún virðist vera að baka pönnukökur. Teigagerði 16 í Reykjavík.

Líklega apríl 1956, flutningaskipið Titika á strandstað í Keflavík. Skipið strandaði 1. nóvember 1955. Hér er líklega verið að vinna að því að koma skipinu á flot, sem tókst í apríl 1956 og var skipið að lokum dregið til útlanda þar sem það var selt í brotajárn.