Um 1908-1911, þorpið Búðir á Fáskrúðsfirði séð frá sjó, lengst til hægri er franska sjúkrahúsið.

Um 1908-1911, Fáskrúðsfjörður, ungt fólk klætt í þjóðbúninga. Lengst til hægri er kona á peysufötum, líklega Amanda Stangeland. Lengst til vinstri er kona á upphlut. Manneskjurnar þrjár fyrir miðju er klæddar í norska þjóðbúninga, talið frá vinstir: Ingeborg Eide, Hans Eide og Natalie Eide. Konan á upphlutnum lengst til vinstri á myndinni gæti verið samkvæmt heimildamanni, Margrét, kona sem giftist norskum manni, Stangeland, og flutti með honum til Noregs um 1935. Þær upplýsingar eru óstaðfestar.

1911, karlmaður í skinnkápu stendur á ís, sennilega á Fáskrúðsfirði. Í baksýn er skúta föst í ísnum. Í upplýsingum með myndinni segir að skútan heiti Le France og að ísinn hafi hrakið skútuna inn fjörðinn og að hún hafi setið lengi föst í ísnum. Skipverjarnir gengu þurrum fótum í land.

Um 1908-1911, útlendar fiskiskútur á Fáskrúðsfirði, fjær er sennilega frönsk skúta en sú sem er nær gæti verið frá Grimsby á Englandi, merkt G 386 eða G 366.

Um 1908-1911, franska spítalaskipið St. Francois d´Assise við Tangabryggju á Búðum við Fáskrúðsfjörð. Í baksýn er fjallið Hoffell.