1920-1930, tvær konur á hestbaki í Bankastræti og eru á tali við þriðju konuna sem er á gangi í Bankastræi. Í baksýn t.v. er Bankastræti 11 og við hlið þess er Laugavegur 1, verslunin Vísir. Konurnar eru prúðbúnar í kápum og með hatta og loðkraga.

1930-1940, farþegaskipið Dronnig Alexandrine siglir inn Reykjavíkurhöfn. *** Local Caption *** Farþegaskip

1920-1930, ung kona með reiðhjól. Hús í byggingu í baksýn, óvíst hvar.

Sennilega 1930-1940, Hvítserkur á Vatnsnesi í Húnaflóa. Klettur í sjó.

Sennilega 1930-1940, sennilega Hindisvík á Vatnsnesi. Hópur að fólk að borða úti í móa. Sr. Sigurður Norland lengst til hægri.

1920-1930, Hverfisgata 21 í Reykjavík, steinsteypt hús. Hjónin Jón Magnússon forsætisráðherra og Þóra Jónsdóttir létu reisa það sem íbúðarhús en síðar eignaðist Hið íslenska prentarafélag húsið. Maður á gangi fyrir framan húsið á gangstétt, ljósastaur við götuna.

1930-1940, kona og leiðir barn, ungan dreng í matrósarfötum. Hún er klædd í kjól og með hvíta svuntu. Þau standa undir timburklæddum húsvegg. Sesselja Guðmundsdóttir systir ljósmyndara og sonur, Guðmundur Eðvaldsson síðar bóndi í Stöpum á Vatnsnesi.

Sennilega 1920-1940, Jón Gestur og Jón Leví Guðmundsson úrsmiður. Eldri maður klæddur vesti, keðja á vasaúri sést vel. Jón Leví er klæddur pokabuxum og ljósum sportlegum jaka og með derhúfu.

Sennilega 1930-1940, kletturinn Bárður sem var á Vatnsnesi nærri Hvítserk en hann er hruninn núna. Árni Guðmundsson er við Bárð.

Sennilega 1930-1940, Karl og kerling á Vatnsnesi. Klettar í sjávarmáli,

1930-1940, þrír menn um borð í skipi. Tveir eru klæddir í vinnuföt, málningagalla og sá í miðjunni heldur á pensli. Maðurinn t.v. er klæddur jakkafötum og með hatt. Lengsti til vinstri er Hafliði Jónsson (1884-1944) vélstjóri.

1925-1940, sjómenn um borð í litlum bát sem er úti á sjó, tveir eru klæddir sjóstökkum og einn með sjóhatt. Í forgrunni er akkeri.

1930-1940, kona með tvö börn í Bankastræti. Yngra barnið situr í kerru. Konan er með sjal utan um sig

1930-1940, ung kona stödd um borð í bát, sennilega á skemmtisiglingu. Hún er kædd í kápu og með alpahúfu. Við hlið hennar sér í aðra konu með hatt og veski.

1930-1940, hrokkinhærð kona, hún er með öl eða gosflösku í hendi. Ólafía Jónsdóttir.

1930-1940, þrjár ungar konur borða nesti undir hlöðnum grjótvegg. Tvær þeirra eru með hatta á höfði en allar eru þær í kápum, tvær þeirra fá sér drykk úr flösku.

1925-1935, hópur fólks situr á heysátu er sennilega við heyskap. Konan með svarta hattinn er í stígvélum en hin eru á sauðsskinsskóm. Karlmennirnir eru með sixpensara á höfði. Sá sem situr lengst t.h. er með hund. Heimilisfólkið á Ásbjarnarstöðum, talið f.v. hjónin Loftur Þórarinn Jósefsson (1906-1964) og Margrét Guðmundsdóttir, Þórdís Gísladóttir (f. 1872) og Jósef Davíð Guðmundsson (1853-1936). Lengst til hægri er sonur Þórdísar og Jósefs: Guðjón Daníel Jósefsson (1909-1989). Maðurinn fyrir aftan þau er gestkomandi, Jón Leví Guðmundsson. Myndin er líklega tekin við Flatnisstaði á Vatnsnesi.

1930-1940, stelpa stendur á tröppum íbúðarhúss í þéttbýli, sennilega í Reykjavík. Hún er klædd í kjól, sokkabuxum og skóm.

1930-1940, kona á hestbaki, útreiðatúr. Margrét Jenný Guðmundsdóttir.

1925-1935, hópur fólks stilli sér upp til myndatöku við torfbæ. Heimilisfólk á Gnýsstöðum á Vatnsnesi og aðkomumenn. Hluti fólksins er á sauðskinnsskóm. Efst situr Marsibil Magdalena Árnadóttir (eldri kona með sjal utan um sig). Neðri röð f.v. Emelía Guðmundsdóttir, Sesselja Gunnlaugsdóttir (heldur á barni), Guðmundur Árnason, Árni Jón Guðmundsson, Gunnlaugur Árnason, Jóhannes Guðmundsson gullsmiður og sennilega vinnumaður, ónafngreindur.

1930-1940, eldri maður stendur undir bárujárnsvegg. Maðurinn er klæddur einhvers konar vinnugalla og er á sauðskinnskóm og með höfuðfat. Torfhlaðinn veggur er t.h.

1927-1930, kona og þrjú börn stilla sér upp til myndatöku í grasivaxinni brekku, t.v. er hundur. Konan og ung stúlka eru klæddar kjólum en strákarnir í frökkum og með höfuðföt. Á hatti yngri stráksins stendur "Havmanden". Fjölskyldan á Egilsstöðum á Vatnsnesi, f.v. Snorri Jóhannesson (?)(1917-2005), Jenný Jóhannesdóttir (f. 1916), Elín Rósa Bjarnadóttir (1895-1972), móðir barnanna og sennilega Bjarni Jóhannesson (1923-2001)

1930-1940, íbúðarhús í sveit, bóndabær, sveitabær. Gnýsstaðir á Vatnsnesi. Lítill afgirtur garður er við húsið og hluti af veggjunum er torfhleðsla. Hestur með aktygjum og vagn standa við húsið.